सविता घिमिरे:
सविता घिमिरे सर्लाही जिल्लाको हरिऔन स्थायी ठेगाना भई भक्तपुर जिल्लाको दुवाकोट क्षेत्रमा परिवार सहित बस्नुहुन्छ । उहाँ लामो समयदेखि लुफस नामको रोगबाट ग्रसित हुनुहुन्छ । मुखमा घाऊ आउने, घाउको प्रभावित क्षत्रमा छाला जाने र कपाल झर्ने समस्याले पीडित हुनुहुन्छ । औषधि सेवन गर्दा औषधिको असरले मेरुदण्ड दुख्ने आदि समस्याहरुले सताएको छ । उहाँको श्रीमानले ज्याला मजदुरी गरेर परिवारको जिविका चलाउनुहुन्थ्यो तर निर्माणको कार्यमा मजदुरीमा खटिँदा दूर्घटना भई लागेको चोटले एउटा गोडा राम्रोसित नचल्ने भएकोले भरपर्दो रुपमा काम गर्न नसक्ने अवस्थाको हुनुहुन्छ । काम नपाउँदा आर्थिक समस्याले श्रीमतिको नियमित औषधी उपचार गर्न नसक्ने कठीनाई भएको विषयमा राम्रो जानकारी भएकोले एवेनेजर ट्रष्टले सविता घिमिरेलाई औषधि सेवन गर्न मानवीय सहायता पुर्याउनुपर्ने आवश्यक ठानी सो उद्देश्यले मितिः २०८१ भाद्र महिनामा आर्थिक सहायता प्रदान गर्यो ।